火井邊爐，無乜好食，唯有「食字」



火井邊爐, 好耐無去, 再訪, 發現食物乏善足陳

手切什麼特級牛頸脊, 絕非手切, 也不特級

忽然拿來一碟水餃.

"我哋無叫水餃喎! 唔通... 老細送的?!"

阿姐緊緊張張的 check 單, 我們有人立即扮將水餃放入鍋裡.

阿姐 (一樣的態度麻麻) 急問: "有無淥過呀?"

甲向水餃手指點點: 點止 '六個'!!! 二, 四, 六, 八... 十二個呀.

乙扮自首: 有"六個", 再手指點點, 二, 四, 六, 我們剛好六個人.

xxx xxx xxx xxx xxx

提起水餃和食字, 還有一件相關的事情.

前幾天, 一個妹妹來看醫生.

妹妹說: "我哽魚骨."

我問: "妳食過乜嘢? 食咗乜嘢魚?"

她說: "水餃."

擾攘了一會, 卻真的由咽喉拔出 1cm 幼細魚骨.

咁, 食咗乜嘢水餃呢?

吓~~ 食白菜豬肉水餃哽魚骨?!

我拍拍妹妹的肩膀, 說: "一定是因為隻 "豬" 食咗條魚骨."

哈哈~~ 妹妹居然聽得明, 識得笑.

xxx xxx xxx xxx xxx

近日, 氣溫再次驟降. 大家要多加衣服, 保暖禦寒.