醫學會羽毛球賽

又是一年一度醫學會羽毛球賽

我由中三開始一直有參加羽毛球賽, 不過懶於練習, 球技麻麻. (威水史包括中學學界港島區團體冠軍、醫學院和舍堂 Team Captain、MVP (最有價值球員 [註: 未必最好波])、女生舍堂教練等.) 自己其實鬥心不大, 近年很少參加 formal 比賽.

今年我的 mix-double 新 partner Angel 個肚籮咁大, 原先準備只往影吓相, 不過球友阿趙同我報咗乙組 (無咁勁) 男雙, 打就打啦. 總共五隊, 循環制, 三十一分, 一局過.

今年喜見各項目參賽人數增加, 甲組男雙, 尤其精彩. 至於我呢, 四局全勝, 居然有得贏! 講真對手實力不弱, 最刺激一場, 對兩位廿六歲師弟, 輸三比十四下, 追至三十一比廿九險勝! 比賽中要控制打法, 照顧心理, 更要面對熟悉我球路的旁觀者違規大聲教路 (不過我始終當玩, 無所謂.), 真是「自我感覺良好」的一戰! (希望大家無俾我響亮的 hush, yes 和 OUT 嚇親....)